ਜਦੋਂ ਕੋਈ ਜਿਸਨੂੰ ਤੁਸੀਂ ਪਿਆਰ ਕਰਦੇ ਹੋ ਮਦਦ ਲੈਣਾ ਨਹੀਂ ਚਾਹੁੰਦਾ

ਕਿਸੇ ਅਜਿਹੇ ਵਿਅਕਤੀ ਨੂੰ ਸੰਘਰਸ਼ ਕਰਦੇ ਵੇਖਣਾ ਜਿਸਦੀ ਤੁਸੀਂ ਪਰਵਾਹ ਕਰਦੇ ਹੋ ਪਰ ਉਹ ਮਦਦ ਲੈਣ ਲਈ ਤਿਆਰ ਨਹੀਂ ਹੈ, ਚਿੰਤਾਜਨਕ ਹੋ ਸਕਦਾ ਹੈ। ਤੁਸੀਂ ਨਹੀਂ ਪਤਾ ਕਿ ਕੀ ਕਹਿਣਾ ਹੈ, ਚੀਜ਼ਾਂ ਨੂੰ ਬਿਹਤਰ ਬਣਾਉਣ ਲਈ ਬੇਵੱਸ ਹੋ, ਜਾਂ ਇਸ ਬਾਰੇ ਚਿੰਤਤ ਹੋ ਕਿ ਜੇਕਰ ਉਨ੍ਹਾਂ ਨੂੰ ਸਹਾਇਤਾ ਨਹੀਂ ਮਿਲਦੀ ਤਾਂ ਕੀ ਹੋ ਸਕਦਾ ਹੈ। ਇਹ ਸਾਰੀਆਂ ਭਾਵਨਾਵਾਂ ਬਿਲਕੁਲ ਆਮ ਹਨ। ਬਹੁਤ ਸਾਰੇ ਲੋਕ ਕਿਸੇ ਨਾ ਕਿਸੇ ਸਮੇਂ ਖੁਦ ਨੂੰ ਇਸ ਸਥਿਤੀ ਵਿੱਚ ਪਾਉਂਦੇ ਹਨ। 

ਤੁਸੀਂ ਕਿਸੇ ਨੂੰ ਮਦਦ ਲੈਣ ਲਈ ਮਜਬੂਰ ਨਹੀਂ ਕਰ ਸਕਦੇ, ਪਰ ਉਨ੍ਹਾਂ ਦੀ ਸਹਾਇਤਾ ਕਰਨ ਅਤੇ ਉਸੇ ਸਮੇਂ ਆਪਣਾ ਖਿਆਲ ਰੱਖਣ ਦੇ ਸਹਿਜ ਤਰੀਕੇ ਹਨ।

ਕੋਈ ਵਿਅਕਤੀ ਮਦਦ ਦੀ ਇੱਛਾ ਕਿਉਂ ਨਹੀਂ ਰੱਖਦਾ

ਲੋਕ ਕਈ ਕਾਰਨਾਂ ਕਰਕੇ ਮਦਦ ਲੈਣ ਤੋਂ ਟਲਦੇ ਹਨ। ਇਹ ਕਾਰਨ ਅਕਸਰ ਉਨ੍ਹਾਂ ਦੇ ਨਜ਼ਰੀਏ ਤੋਂ ਸਮਝ ਵਿੱਚ ਆਉਂਦੇ ਹਨ। 

ਉਹ ਇਹ ਹੋ ਸਕਦੇ ਹਨ: 

• ਇਹ ਦੱਸਣ ਬਾਰੇ ਅਨਿਸ਼ਚਿਤ ਹੋ ਸਕਦੇ ਹਨ ਕਿ ਉਹ ਕੀ ਮਹਿਸੂਸ ਕਰ ਰਹੇ ਹਨ
• ਰਾਏ ਬਣ ਜਾਣ ਬਾਰੇ ਚਿੰਤਤ
• ਕਮਜ਼ੋਰ ਸਮਝੇ ਜਾਣ ਤੋਂ ਡਰਦੇ ਹਨ
• ਇਹ ਮੰਨਣ ਵਿੱਚ ਸ਼ਰਮਿੰਦਾ ਮਹਿਸੂਸ ਕਰਨਾ ਕਿ ਕੁੱਝ ਠੀਕ ਨਹੀਂ ਹੈ
• ਕੰਮ, ਵਿੱਤ, ਜਾਂ ਪਰਿਵਾਰ 'ਤੇ ਪੈਣ ਵਾਲੇ ਪ੍ਰਭਾਵ ਤੋਂ ਚਿੰਤਤ
• ਪਤਾ ਨਾ ਹੋਣਾ ਕਿ ਕੀ ਉਨ੍ਹਾਂ ਦੇ ਲੱਛਣ 'ਕਾਫ਼ੀ ਗੰਭੀਰ' ਹਨ
• ਇਹ ਉਮੀਦ ਕਰਨਾ ਕਿ ਚੀਜ਼ਾਂ ਬਿਨਾਂ ਸਹਾਇਤਾ ਦੇ ਸੁਧਰ ਜਾਣਗੀਆਂ
• ਇਸ ਬਾਰੇ ਗੱਲ ਕਰਨ ਦੇ ਵਿਚਾਰ ਤੋਂ ਹੀ ਬਹੁਤ ਜ਼ਿਆਦਾ ਦਬਾਅ ਮਹਿਸੂਸ ਕਰਨਾ। 

ਉਨ੍ਹਾਂ ਦੀ ਝਿਜਕ ਨੂੰ ਸਮਝਣਾ ਤੁਹਾਨੂੰ ਵਧੇਰੇ ਹਮਦਰਦੀ ਨਾਲ ਜਵਾਬ ਦੇਣ ਵਿੱਚ ਮਦਦ ਕਰ ਸਕਦਾ ਹੈ।

ਇੱਕ ਸਹਿਜ ਗੱਲਬਾਤ ਨਾਲ ਸ਼ੁਰੂ ਕਰੋ

ਤੁਹਾਨੂੰ ਉਨ੍ਹਾਂ ਨੂੰ ਮਨਾਉਣ ਦੀ ਲੋੜ ਨਹੀਂ ਹੈ। ਇਸ ਦੀ ਬਜਾਏ, ਇੱਕ ਸ਼ਾਂਤ ਅਤੇ ਸਹਾਇਕ ਗੱਲਬਾਤ ਸ਼ੁਰੂ ਕਰਨ ਵੱਲ ਧਿਆਨ ਦਿਓ। 

ਤੁਸੀਂ ਇਹ ਸਵਾਲ ਪੁੱਛ ਸਕਦੇ ਹੋ: 

• "ਮੈਂ ਦੇਖਿਆ ਹੈ ਕਿ ਚੀਜ਼ਾਂ ਤੁਹਾਡੇ ਲਈ ਮੁਸ਼ਕਲ ਲੱਗਦੀਆਂ ਹਨ।"
• "ਮੈਨੰ ਤੁਹਾਡੀ ਪਰਵਾਹ ਹੈ ਅਤੇ ਤੁਹਾਡਾ ਹਾਲ-ਚਾਲ ਪੁੱਛਣਾ ਚਾਹੁੰਦਾ ਸੀ।"
• "ਜੇ ਤੁਸੀਂ ਕਿਸੇ ਵੀ ਚੀਜ਼ ਬਾਰੇ ਗੱਲ ਕਰਨਾ ਚਾਹੁੰਦੇ ਹੋ ਤਾਂ ਮੈਂ ਇੱਥੇ ਹੀ ਹਾਂ।" 

ਟੋਨ ਨੂੰ ਨਰਮ ਅਤੇ ਖੁੱਲ੍ਹੀ ਰੱਖੋ। ਇਹ ਦਬਾਅ ਦੀ ਭਾਵਨਾ ਨੂੰ ਘਟਾਉਂਦਾ ਹੈ।

ਛੋਟੇ, ਪ੍ਰਬੰਧਨਯੋਗ ਵਿਕਲਪ ਦਿਓ

ਕੁਝ ਲੋਕ ਪੇਸ਼ੇਵਰ ਸਹਾਇਤਾ ਲੈਣ ਦੇ ਵਿਚਾਰ ਤੋਂ ਘਾਬਰ ਜਾਂਦੇ ਹਨ। ਤੁਸੀਂ ਜ਼ੋਰ ਦਿੱਤੇ ਬਿਨਾਂ ਹੌਲੀ-ਹੌਲੀ ਛੋਟੇ ਕਦਮਾਂ ਮੀ ਪੇਸ਼ ਕਰ ਸਕਦੇ ਹੋ।

ਤੁਸੀਂ ਇਹ ਸੁਝਾਅ ਦੇ ਸਕਦੇ ਹੋ:

• ਆਪਣੇ GP ਨਾਲ ਗੱਲ ਕਰਨਾ
• Medicare Mental Health ਫ਼ੋਨ ਸਰਵਿਸ (ਨਵੀਂ ਟੈਬ ਵਿੱਚ ਖੁੱਲ੍ਹਦਾ ਹੈ) ਨੂੰ ਕਾਲ ਕਰਨਾ
• Medicare Mental Health Centre (ਨਵੀਂ ਟੈਬ ਵਿੱਚ ਖੁੱਲ੍ਹਦਾ ਹੈ) ‘ਤੇ ਜਾਣਾ।
• ਇੱਕ ਡਿਜੀਟਲ ਮਾਨਸਿਕ ਸਿਹਤ ਪ੍ਰੋਗਰਾਮ ਨੂੰ ਅਜ਼ਮਾਉਣਾ
• ਕਿਸੇ ਅਜਿਹੇ ਵਿਅਕਤੀ ਨਾਲ ਗੱਲ ਕਰਨਾ ਜਿਸ 'ਤੇ ਉਹ ਪਹਿਲਾਂ ਹੀ ਭਰੋਸਾ ਕਰਦੇ ਹੋਣ
• ਇੱਕ ਛੋਟਾ ਜਿਹਾ ਕੰਮ ਕਰਨਾ ਜੋ ਕਰਨ ਯੋਗ ਲੱਗਦਾ ਹੋਵੇ।

ਛੋਟੇ ਕਦਮ ਵੱਡੀਆਂ ਵਚਨਬੱਧਤਾਵਾਂ ਤੋਂ ਘੱਟ ਡਰਾਉਣੇ ਲੱਗਦੇ ਹਨ।

ਜਾਣੋ ਕਿ ਕਦੋਂ ਤੁਰੰਤ ਮਦਦ ਲੈਣੀ ਹੈ

ਜੇ ਉਹ ਵਿਅਕਤੀ ਜਿਸਦੀ ਤੁਸੀਂ ਦੇਖਭਾਲ ਕਰਦੇ ਹੋ:

• ਖੁਦ ਨੂੰ ਨੁਕਸਾਨ ਪਹੁੰਚਾਉਣ ਬਾਰੇ ਗੱਲ ਕਰਦਾ ਹੈ
• ਮੁੱਢਲੀਆਂ ਲੋੜਾਂ ਪੂਰੀਆਂ ਕਰਨ ਦੇ ਸਮਰੱਥ ਨਹੀਂ ਹੈ
• ਵਿਵਹਾਰ ਵਿੱਚ ਅਚਾਨਕ ਜਾਂ ਬਹੁਤ ਜ਼ਿਆਦਾ ਬਦਲਾਅ ਵਿਖਾਉਂਦਾ ਹੈ
• ਅਸੁਰੱਖਿਅਤ ਲੱਗਦਾ ਹੈ,

000 'ਤੇ ਕਾਲ ਕਰਕੇ ਜਾਂ ਆਪਣੇ ਨਜ਼ਦੀਕੀ ਐਮਰਜੈਂਸੀ ਵਿਭਾਗ ਵਿੱਚ ਜਾ ਕੇ ਤੁਰੰਤ ਸਹਾਇਤਾ ਮੰਗੋ। ਤੁਸੀਂ 13 11 14 'ਤੇ Lifeline (ਲਾਈਫ਼ਲਾਈਨ) ਨਾਲ ਵੀ ਸੰਪਰਕ ਕਰ ਸਕਦੇ ਹੋ।

ਤੁਹਾਨੂੰ ਇਕੱਲੇ ਸੰਕਟ ਨੂੰ ਪ੍ਰਬੰਧਿਤ ਕਰਨ ਦੀ ਲੋੜ ਨਹੀਂ ਹੈ।

ਸਹਾਇਤਾ ਹੌਲੀ-ਹੌਲੀ ਵੱਧ ਸਕਦੀ ਹੈ।

ਲੋਕ ਅਕਸਰ ਹੌਲੀ-ਹੌਲੀ ਮਦਦ ਵੱਲ ਵਧਣ ਲੱਗਦੇ ਹਨ। ਇੱਕ ਸ਼ਾਂਤ ਗੱਲਬਾਤ, ਇਮਾਨਦਾਰੀ ਦਾ ਇੱਕ ਪਲ, ਜਾਂ ਸਿਰਫ਼ ਇਹ ਜਾਣਨਾ ਕਿ ਕੋਈ ਪਰਵਾਹ ਕਰਦਾ ਹੈ, ਭਵਿੱਖ ਵਿੱਚ ਮਦਦ ਮੰਗਣਾ ਵਧੇਰੇ ਸੰਭਵ ਬਣਾ ਸਕਦਾ ਹੈ।

ਤੁਹਾਡਾ ਸਬਰ ਅਤੇ ਮੌਜੂਦਗੀ ਇੱਕ ਅਰਥਪੂਰਨ ਫਰਕ ਲਿਆ ਸਕਦੀ ਹੈ, ਭਾਵੇਂ ਬਦਲਾਅ ਵਿੱਚ ਸਮਾਂ ਲੱਗੇ।