ਆਪਣੇ ਮੂਡ ਨੂੰ ਸੁਧਾਰਨਾ
ਲੋਕ ਮਾੜੇ ਮੂਡ ਹੋਣ ਦਾ ਅਨੁਭਵ ਕਿਉਂ ਕਰਦੇ ਹਨ, ਇਸਦੇ ਬਹੁਤ ਸਾਰੇ ਕਾਰਨ ਹਨ। ਇਹ ਭਾਵਨਾਵਾਂ ਜੀਵਨ ਦੇ ਅਨੁਭਵਾਂ, ਆਲੇ-ਦੁਆਲੇ ਦੇ ਮਾਹੌਲ ਅਤੇ ਨਿੱਜੀ ਹਾਲਾਤਾਂ ਤੋਂ ਪ੍ਰਭਾਵਿਤ ਹੋ ਸਕਦੀਆਂ ਹਨ।
ਕੁਝ ਦਿਨ ਤੁਸੀਂ ਹਲਕਾ ਮਹਿਸੂਸ ਕਰਦੇ ਹੋਏ ਜਾਗਦੇ ਹੋ। ਕਈ ਵਾਰ ਤੁਸੀਂ ਬੇਜਾਨ, ਥੱਕੇ ਹੋਏ ਜਾਂ ਬਿਲਕੁਲ ਪਹਿਲਾਂ ਵਰਗੇ ਨਹੀਂ ਮਹਿਸੂਸ ਕਰਦੇ ਹੋ। ਇਹ ਕੁਦਰਤੀ ਉਤਰਾਅ-ਚੜ੍ਹਾਅ ਮਨੁੱਖ ਹੋਣ ਦਾ ਹਿੱਸਾ ਹਨ।
ਜਦੋਂ ਅਸੀਂ ਉਦਾਸ ਜਾਂ ਹਤਾਸ਼ ਹੁੰਦੇ ਹਾਂ, ਤਾਂ ਹੋ ਸਕਦਾ ਹੈ ਕਿ ਅਸੀਂ ਉਹ ਕੰਮ ਕਰਨ ਦੀ ਪ੍ਰੇਰਣਾ ਗੁਆ ਬੈਠੀਏ ਜਿਨ੍ਹਾਂ ਦਾ ਅਸੀਂ ਆਮ ਤੌਰ 'ਤੇ ਆਨੰਦ ਮਾਣਦੇ ਹਾਂ ਜਾਂ ਜਿਨ੍ਹਾਂ ਨੂੰ ਅਸੀਂ ਅਰਥਪੂਰਨ ਸਮਝਦੇ ਹਾਂ। ਇਸ ਕਾਰਨ ਤੁਸੀਂ ਘੱਟ ਕੰਮ ਕਰ ਸਕਦੇ ਹੋ, ਦੂਜੇ ਲੋਕਾਂ ਤੋਂ ਦੂਰੀ ਬਣਾ ਸਕਦੇ ਹੋ ਜਾਂ ਅਜਿਹੀਆਂ ਗਤੀਵਿਧੀਆਂ ਵੱਲ ਮੁੜ ਸਕਦੇ ਹੋ ਜੋ ਲੰਬੇ ਸਮੇਂ ਵਿੱਚ ਤੁਹਾਡੇ ਮੂਡ ਨੂੰ ਹੋਰ ਖਰਾਬ ਕਰ ਸਕਦੀਆਂ ਹਨ।
ਸਾਡੇ ਕੋਲ ਮਦਦਗਾਰ ਜਾਣਕਾਰੀ, ਸਾਧਨ, ਅਤੇ ਇੱਕ ਸਬੂਤ-ਆਧਾਰਿਤ ਪ੍ਰੋਗਰਾਮ ਹੈ ਜੋ ਤੁਹਾਨੂੰ ਵਧੇਰੇ ਨਿਯੰਤਰਣ ਮਹਿਸੂਸ ਕਰਨ ਅਤੇ ਤੁਹਾਡੇ ਮੂਡ ਨੂੰ ਸੁਧਾਰਨ ਵਿੱਚ ਮਦਦ ਕਰਦਾ ਹੈ।
ਸਮਝੋ ਕਿ ਤੁਹਾਡੇ ਮੂਡ ਨਾਲ ਕੀ ਹੋ ਰਿਹਾ ਹੈ
ਕਈ ਵਾਰ ਮਾੜਾ ਮੂਡ ਕੁਦਰਤੀ ਤੌਰ 'ਤੇ ਹੀ ਠੀਕ ਨਹੀਂ ਹੁੰਦਾ। ਇਹ ਲੰਮਾ ਚੱਲਦਾ ਹੈ, ਤਣਆਗ੍ਰਸਤ ਲੱਗਦਾ ਹੈ ਅਤੇ ਦਿਨ ਦੀਆਂ ਹੋਰ ਗੱਲਾਂ ਨੂੰ ਵੀ ਪ੍ਰਭਾਵਿਤ ਕਰਨ ਲੱਗਦਾ ਹੈ। ਜਦੋਂ ਇਹ ਭਾਵਨਾਵਾਂ ਲੰਬੇ ਸਮੇਂ ਤੱਕ ਰਹਿਣ ਅਤੇ ਤੁਹਾਡੇ ਰੋਜ਼ਾਨਾ ਜੀਵਨ ਨੂੰ ਪ੍ਰਭਾਵਿਤ ਕਰਨ ਲੱਗਦੀਆਂ ਹਨ, ਤਾਂ ਇਹ ਇੱਕ ਸਮੱਸਿਆ ਬਣਨ ਲੱਗਦੀ ਹੈ। ਇਹ ਜ਼ਿਆਦਾ ਦੇਰ ਤੱਕ ਰਹਿੰਦਾ ਹੈ, ਭਾਰੀ ਮਹਿਸੂਸ ਹੁੰਦਾ ਹੈ, ਅਤੇ ਆਮ ਤਰੀਕਿਆਂ ਨਾਲ ਠੀਕ ਕਰਨ 'ਚ ਔਖਾ ਹੁੰਦਾ ਹੈ। ਆਪਣੇ ਆਪ ਠੀਕ ਹੋਣ ਦੀ ਬਜਾਏ, ਇਹ ਤੁਹਾਡੇ ਨਾਲ ਬਣਿਆ ਹੀ ਰਹਿੰਦਾ ਹੈ।
ਇੱਕ-ਦੋ ਦਿਨ ਦੇ ਅਹਿਸਾਸਾਂ ਦੀ ਬਜਾਏ, ਪੈਟਰਨਾਂ 'ਤੇ ਧਿਆਨ ਦੇਣਾ ਮਦਦਗਾਰ ਹੁੰਦਾ ਹੈ। ਇਹ ਸਮਝਣਾ ਕਿ ਕੀ ਕੁਝ 'ਸਧਾਰਨ' ਹੈ, ਕਿਹੜੀਆਂ ਗੱਲਾਂ 'ਤੇ ਨਜ਼ਰ ਰੱਖਣੀ ਚਾਹੀਦੀ ਹੈ ਅਤੇ ਕਦੋਂ ਮਦਦ ਲੈਣ ਦੀ ਲੋੜ ਪੈ ਸਕਦੀ ਹੈ, ਤੁਹਾਨੂੰ ਅਗਲਾ ਕਦਮ ਚੁੱਕਣ ਵਿੱਚ ਮਦਦ ਕਰ ਸਕਦਾ ਹੈ।
ਅਜਿਹੇ ਉਪਾਵਾਂ ਬਾਰੇ ਸਾਡੀ ਜਾਣਕਾਰੀ ਪੜ੍ਹੋ ਜੋ ਤੁਹਾਨੂੰ ਥੋੜ੍ਹਾ ਵਧੇਰੇ ਸਥਿਰ ਮਹਿਸੂਸ ਕਰਨ ਅਤੇ ਤੁਹਾਡੇ ਸਰੀਰਕ ਪ੍ਰਣਾਲੀ ਨੂੰ ਸ਼ਾਂਤ ਹੋਣ ਤੇ ਠੀਕ ਹੋਣਾ ਸ਼ੁਰੂ ਕਰਨ ਵਿੱਚ ਮਦਦ ਕਰ ਸਕਦੇ ਹਨ।
ਕੀ ਤੁਸੀਂ ਵਧੇਰੇ ਵਿਅਕਤੀਗਤ ਮਾਰਗਦਰਸ਼ਨ ਚਾਹੁੰਦੇ ਹੋ?
ਸਾਡਾ ਮੁਫਤ ਔਨਲਾਈਨ ਪ੍ਰੋਗਰਾਮ ਅਜ਼ਮਾਓ ਜੋ ਮਾੜੇ ਮੂਡ ਨੂੰ ਪ੍ਰਬੰਧਿਤ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ ਇੱਕ ਸਾਬਤ ਘੱਟ-ਤੀਬਰਤਾ ਵਾਲੀ ਬੋਧਾਤਮਕ ਵਿਵਹਾਰਕ ਥੈਰੇਪੀ (LiCBT) ਪਹੁੰਚ ਨੂੰ ਵਰਤਦਾ ਹੈ। ਇਸ ਪ੍ਰੋਗਰਾਮ ਰਾਹੀਂ ਤੁਸੀਂ ਅਜਿਹੀਆਂ ਤਕਨੀਕਾਂ ਸਿੱਖੋਗੇ ਜੋ ਤੁਹਾਡੇ ਦਿਨ ਵਿੱਚ ਹੌਲੀ-ਹੌਲੀ ਢਾਂਚਾ, ਆਨੰਦ, ਆਪਸੀ ਜੁੜਾਅ ਅਤੇ ਕੁਝ ਹਾਸਲ ਕਰਨ ਦੀ ਭਾਵਨਾ ਨੂੰ ਸ਼ਾਮਲ ਕਰਕੇ ਉਦਾਸੀ ਜਾਂ ਮਾੜੇ ਮੂਡ ਦੇ ਚੱਕਰ ਨੂੰ ਤੋੜਨ ਵਿੱਚ ਮਦਦ ਕਰਨਗੀਆਂ।
ਕੀ ਉਮੀਦ ਰੱਖਣੀ ਹੈ
- ਚਾਰ ਸੰਚਾਰਾਤਮਕ ਪੜਾਅ, ਜੋ ਲਗਭਗ ਛੇ ਹਫ਼ਤਿਆਂ ਵਿੱਚ ਫੈਲੇ ਹੋਏ ਹਨ
- ਪ੍ਰੋਗਰਾਮ 'ਤੇ ਆਪਣੀ ਗਤੀ ਮੁਤਾਬਿਕ ਕੰਮ ਕਰੋ
- ਵਿਹਾਰਕ ਗਤੀਵਿਧੀਆਂ ਜੋ ਤੁਸੀਂ ਰੋਜ਼ਾਨਾ ਜੀਵਨ ਵਿੱਚ ਲਾਗੂ ਕਰ ਸਕੋ।
- ਦੋ ਮਾਰਗੀ ਵਿਕਲਪ: ਪ੍ਰੋਗਰਾਮ ਆਪਣੇ ਆਪ ਪੂਰਾ ਕਰੋ ਜਾਂ Medicare Mental Health Check In ਦੇ ਕਿਸੇ ਮਾਹਰ ਦੇ ਮਾਰਗਦਰਸ਼ਨ ਨਾਲ ਕਰੋ।
ਕੀ ਤੁਸੀਂ ਇਹ ਪ੍ਰੋਗਰਾਮ ਸ਼ੁਰੂ ਕਰਨ ਲਈ ਤਿਆਰ ਹੋ?
ਪਹਿਲਾ ਕਦਮ 1800 595 212 'ਤੇ ਕਾਲ ਕਰਨਾ ਜਾਂ Medicare Mental Health ਤੋਂ ਕਾਲਬੈਕ ਕਰਨ ਦੀ ਬੇਨਤੀ ਕਰਨਾ ਹੈ। Medicare Mental Health ਨਾਲ ਗੱਲ ਕਰਨਾ ਇਹ ਫੈਸਲਾ ਕਰਨ ਵਿੱਚ ਮਦਦ ਕਰੇਗਾ ਕਿ ਕੀ ਇੱਕ ਔਨਲਾਈਨ ਪ੍ਰੋਗਰਾਮ ਤੁਹਾਡੇ ਲਈ ਸਹੀ ਵੀ ਹੈ, ਅਤੇ ਜੇ ਅਜਿਹਾ ਹੈ, ਤਾਂ ਪ੍ਰੋਗਰਾਮ ਤੱਕ ਕਿੰਝ ਪਹੁੰਚਣਾ ਹੈ ਅਤੇ ਇਸਨੂੰ ਕਿੰਝ ਸ਼ੁਰੂ ਕਰਨਾ ਹੈ। ਜੇ ਇਹ ਸੇਵਾ ਸਹੀ ਨਹੀਂ ਹੈ, ਤਾਂ ਉਹ ਤੁਹਾਨੂੰ ਵਧੇਰੇ ਢੁਕਵੀਂ ਸੇਵਾ ਨਾਲ ਜੋੜ ਦੇਣਗੇ।
ਕਿਸੇ ਹੋਰ ਦੀ ਮਦਦ ਕਰਨਾ
ਜੇ ਤੁਸੀਂ ਕਿਸੇ ਹੋਰ ਦੀ ਤੰਦਰੁਸਤੀ ਦਾ ਖਿਆਲ ਰੱਖਣ ਵਿੱਚ ਮਦਦ ਕਰ ਰਹੇ ਹੋ, ਤਾਂ ਤੁਹਾਡੀ ਅਤੇ ਉਨ੍ਹਾਂ ਦੀ ਮਦਦ ਲਈ ਸਰੋਤ ਅਤੇ ਸਹਾਇਤਾ ਵਿਕਲਪ ਉਪਲਬਧ ਹਨ। ਤੁਹਾਨੂੰ ਇਹ ਇਕੱਲੇ ਕਰਨ ਦੀ ਲੋੜ ਨਹੀਂ ਹੈ।
