ਪ੍ਰੋਗਰਾਮ ਬਾਰੇ ਆਪਣੇ ਡਰ ਦਾ ਸਾਹਮਣਾ ਕਰਨਾ

ਡਰ ਅਤੇ ਚਿੰਤਾ ਆਮ, ਸਿਹਤਮੰਦ ਭਾਵਨਾਵਾਂ ਹਨ। ਲੋਕ ਕਈ ਵੱਖ-ਵੱਖ ਚੀਜ਼ਾਂ ਬਾਰੇ ਡਰ ਦਾ ਅਨੁਭਵ ਕਰ ਸਕਦੇ ਹਨ। ਡਰ ਮਦਦਗਾਰ ਸਾਬਤ ਹੋ ਸਕਦਾ ਹੈ ਅਤੇ ਇੱਕ ਤਣਾਅਪੂਰਨ ਜਾਂ ਖਤਰਨਾਕ ਸਥਿਤੀ ਪ੍ਰਤੀ ਇੱਕ ਕੁਦਰਤੀ ਪ੍ਰਤੀਕਿਰਿਆ ਹੈ। ਪਰ ਕੁਝ ਡਰ ਬਹੁਤ ਜ਼ਿਆਦਾ ਵੀ ਹੋ ਸਕਦੇ ਹਨ। ਉਹ ਕੁਝ ਸਮੇਂ ਲਈ ਰਹਿੰਦੇ ਹਨ, ਲਗਾਤਾਰ ਹੁੰਦੇ ਹਨ, ਪਰੇਸ਼ਾਨ ਕਰਨ ਵਾਲੇ ਮਹਿਸੂਸ ਹੁੰਦੇ ਹਨ, ਅਤੇ ਤੁਹਾਨੂੰ ਉਹ ਕੰਮ ਕਰਨ ਤੋਂ ਰੋਕਦੇ ਹਨ ਜਿਹੜਾ ਤੁਸੀਂ ਕਰਨਾ ਚਾਹੁੰਦੇ ਹੋ।  

ਇਹ ਵਰਕਬੁੱਕ ਉਨ੍ਹਾਂ ਸਥਿਤੀਆਂ 'ਤੇ ਧਿਆਨ-ਕੇਂਦ੍ਰਿਤ ਕਰਦੀ ਹੈ, ਜਿੰਨ੍ਹਾਂ ਚੀਜ਼ਾਂ ਨੂੰ ਟਾਲਣ ਦਾ ਕਾਰਨ ਬਹੁਤ ਜ਼ਿਆਦਾ ਡਰ ਹੁੰਦਾ ਹੈ। ਇਸ ਨਾਲ ਤੁਹਾਨੂੰ ਇੱਕ ਅਜਿਹੀ ਤਕਨੀਕ ਰਾਹੀਂ ਮਾਰਗਦਰਸ਼ਨ ਮਿਲਦਾ ਹੈ ਜੋ ਲੋਕਾਂ ਨੂੰ ਬਹੁਤ ਜ਼ਿਆਦਾ ਡਰਾਂ 'ਤੇ ਕਾਬੂ ਪਾਉਣ ਵਿੱਚ ਮਦਦ ਕਰਨ ਲਈ ਸਾਬਤ ਹੋਈ ਹੈ। ਸਮੇਂ ਦੇ ਨਾਲ, ਇਹ ਤਕਨੀਕ ਤੁਹਾਨੂੰ ਉਨ੍ਹਾਂ ਡਰਾਂ 'ਤੇ ਕਾਬੂ ਪਾਉਣ ਵਿੱਚ ਮਦਦ ਕਰ ਸਕਦੀ ਹੈ ਜੋ ਸ਼ਾਇਦ ਤੁਹਾਨੂੰ ਪਿੱਛੇ ਰੱਖ ਰਹੇ ਹਨ ਅਤੇ ਤੁਹਾਨੂੰ ਆਪਣੀ ਮਨਚਾਹੀ ਜ਼ਿੰਦਗੀ ਜਿਉਣ ਤੋਂ ਰੋਕ ਰਹੇ ਹਨ। ਇਹ ਸਥਾਪਿਤ ਕਲੀਨਿਕਲ ਦਿਸ਼ਾ-ਨਿਰਦੇਸ਼ਾਂ 'ਤੇ ਅਧਾਰਿਤ ਹੈ।